النهرده هنكلم عن الغسول ده
انا جربتو بقالي حوالي شهر حلو جدا بيشيل الميك اب والمسكرا
الغسول 150 مل وجبته ب 27 جنيه بس كان عليه خصم 20% وتاريخو من فتحو 12 شهر
فيه حبوب زرقا حلوه اوى اول مره اشوفها ف اى غسول
مميزاته : يستخدم للوجه كله والعينين و150 مل يعنى كتير كويس
بس اكيد زيت جوز الهند بديل طبيعي اكتر لازالة الميك اب
عيوبه : مش لقيالو عيوب بصراحة
اقيمو 4/5
ممكن اجيبو تانى؟ لو مش هستخدم زيت جوز الهند فآه
ملاحظة:الصورة من موقع dakakyn.comا وليس من تصويري الشخصي
ده شكل العلبة من برا
جبت بودرة بورجوا من كذا يوم من صيدلية العزبي فرع الرحاب جبت افتح درجه اللى هى 52 - vanille
وفيه اربع درجات بس ف البودرة دى
البودرة دى وزى ما مكتوب عليها بتفضل 10 ساعات ع الوش
- حجمها 9 جم
- تاريخ الفتح بتفضل 18 شهر من اول متفتحى العلبه بعد كده ارميها حتى لو تاريخ الصلاحيه مخلصش
- تاريخ الصلاحيه 3 سنين
- من مستخلصات الفواكه الاسيوية وريحتها فواكه حلوة
للاسف بقا طلع درجات البودره دى غامقه شويه يعنى افتح درجه اغمق م الدرجه اللي انا عايزاها انا بنصح القمحيين اللي علي سمار هما اللى يستخدموا افتح درجة حتى .. بس هى مش غامقه اوى
ودى على اديا
المميزات :
-ريحتها كويسة.
- جودتها عالية.
-شكل العلبة حلو.
العيوب :
- درجاتها قليلة مجتاجه درجات اكتر وأفتح.
فيها مكونات ممكن تضر : kaolin, fragnance, tocopheryl acetate
سعرها: 118 تقريبا
هل ممكن اجيبها تانى؟
لأ
